تعالى افلسفلك حياتك كلها لصالحك وراحة بالك !!

مشرف عدد المساهمات : 887 تاريخ التسجيل : 18/12/2010

تعالى افلسفلك حياتك كلها لصالحك وراحة بالك !!
السلام عليكم ورحمة الله وبركاته

من غير مقدمات كده يابنات
انا الكلام اللى هقوله ده نفسي ناخد بيه
وانا اولكم
انا والله مش عارفه ابدأ كلامى ازاى ولا منين
بس عايزه اقول لنفسي كفايه
ايوه كفايه
كفايه
اعتراض
ليه احنا مش راضيين بأى حاجه؟؟
ليه دايما مش مبسوطين؟
ليه مش بنحاول نفلسف الامور لصالحنا بدل ما أحنا دايما بنفلسفها بشكل يتعبنا؟؟
كان نفسك تكونى بنت متفوقه اوى فى دراستك ويقولو عليكى اشطر بنت فى الدفعه
طيب ليه
ماتبصي كده للبنت اللى كان اخوتها كلهم ماشاء الله على اعلى درجه من التفوق وهى كانت عاديه
كانت بتذاكر بس عمرها ماجتلها النتيجه على أد مذاكرتها
وفضلت صابره وجابت مجموع قليل فى ثانوى
ودخلت كلية وبقت بتطلع الاولى ع دفعتها
وبقت احسن من اخوتها
تعرفوا ليه؟؟
لانها كانت على يقين ان تعبها مش هيروح ولو بعد حين
كانت على يقين ان ربنا بيقطع من هنا ويوصل هنا
زى ماخد منها حاجه كانت بتتمناها
برده اداها حاجه احسن من اللى كانت بتتمناها
نفسك اوى تتخطبي وتتجوزى
انا عارفه ان نظرة المجتمع ليكى وحشه
وان ده حلم اى بنوته جميله
بس ليه ما تفلسفيش الوضع
وتقولى يمكن لو كنت اتخطبت او اتجوزت كنت لاقدر الله اطلق ولا حاجه ولا اعيش فى مشاكل مالهاش نهايه
ولا اتجوز فتى احلامى وابقي زى الفراشه يوم فرحى زى البنت اللى يوم فرحها من كتر جمالها وحسد الناس ليها عملت حادثه هى وجوزها وهو توفى وهى لاحول لها ولا قوه
ليه ماتفكريش كده؟؟
ربنا مش رزقك بالذريه الصالحه
عارفه والله انها حاجه صعبه جدا
وانه احساس فظيع ومؤلم
طيب ما تفلسفي الوضع لصالحك
تيجى كده تبصى ع الام دى
اللى خلفت وولادها مغلبينها ليل نهار
ومعدتش بتلاقى وقت تهتم فيه بزوجها
فى حين انك انتى وزوجك عايشين
فى هدوء وراحه
حد عزيز اوى عليكى توفاه الله
حزنتى عليه اوى
ومش قادره على بعده ولا نسيانه
طيب برده فلسفي الوضه لصالحك
مش يمكن لو كان فضل عايش كان يرتكب ذنب ولا حاجه وربنا يغضب عليه
فكنتى مش هتحبيه
انما هو كده مات وسايبلك ذكرى جميله تتفتكريه بيها
ربنا ابتلاكى بمرض متعب اوى
وانتى خلاص مش قادره تتحملى
بنات كل الناس اللى حواليكى على حقيقتهم
ناس كتير اتخلت عنك
الدنيا بقت وحشه اوى فى عنيكى حسه ان النهايه خلاص قربت
تعالى نفلسف الوضع لصالحك
كل الم انتى حسيتى بيه بيكتبلك حسنه وتتغفرلك سيئه
عرفتى مين بيحبك بجد ومين لأ
قربتى من ربنا اكتر
ده كده ربنا بيحبك لانه ادالك فرصة القرب منه
وعرفتى ان الدنيا دى هينه اوى ممكن تنتهى فيها حياتك فى لحظه
وكتيييييييييييييير
من المواقف دى فى حياتنا
والله كان فى دماغى حجات اكتر من كده
بس نفسي اللى كتبته ده يعجبكم ويحرك فيكم حاجه قربت تموت
وهى الرضااااااااااا
وكمان حاجه اخيره
لما الدنيا تضيق بيكى اوى
بلاش تقولى الكلمه اللى بقت زى اللبانه فى بؤنا
انا عايزه اموت نفسي ربنا يخدنى واستريح
لا ياحبيبتى
انتى قولى
اللهم احينى اذا كانت الحياة خيرا لى وامتنى اذا كان الممات خيرا لى
واخيرااااااااا
انا اسفه لو كنت اسأت التعبير فى اى حاجه
او اتكلمت باسلوب مش كويس
وقوليلي لو كان كلامى ده مش واقعى
وكل قصه انا قلتها حقيقيه والله العظيم
انا كنت محتاجه اوى انى اقول الكلامه ده لنفسي وجيت هنا وقلته لنفسي معاكم
اتمنى اكون وفقت فى العرض
واسفه ع الاطاله
وجزاكم الله خيرا جزيلاااااااااااااا
ومش تنسوا التقييم اذا سمحتم
تعالى افلسفلك حياتك كلها لصالحك وراحة بالك !! 220

تعالى افلسفلك حياتك كلها لصالحك وراحة بالك !! 220

تعالى افلسفلك حياتك كلها لصالحك وراحة بالك !! Attachment

تعالى افلسفلك حياتك كلها لصالحك وراحة بالك !! 478467469

تعالى افلسفلك حياتك كلها لصالحك وراحة بالك !! Sigpic340135_2

تعالى افلسفلك حياتك كلها لصالحك وراحة بالك !! Sigpic223926_35

[quote="]

[/quote]

» معجزات الله تعالى في القرآن ((صـور))
» للمصريات فقط تعالى واختارى بكل جراة من هو مرشحك للرياسه (قولى رايك ولا يهمك )
» لو الويندوز سقط تعالى نزلى ويندوز فى5دقائق بالصور
» حملة اعادة تدوير الغذاء عارفه عنه شئ ؟ تعالى ااقول لك
» تعالى أقولك إزاى تكتبى الحروف طويلة بالكيبورد