حملة اعادة تدوير الغذاء عارفه عنه شئ ؟ تعالى ااقول لك

حملة اعادة تدوير الغذاء
هى دعوة احب ان تنطلق من فتافيت لو عجبتكم الفكرة
والفكرة هى اننا عندما نطبخ بيتبقى طعام ازى نغير شكله ونخليه جديد وشهى والكل لا يعرفون انه الاكل اللى اكلوه فى الامس
الهدف: التوفير وعدم هدر الطعام
امثلة : 1- السمك
انت قمتى بقلية السمك وبقى عندك شوية
او كنتى عاملة صنية او مشوى واتبقى شوية
ممكن تغير شكله ويبقي اكلة جديدة ازى
ااقوللكـــــــ
تاتى بالسمك وتقومى بنزع الجلد والاشواك ووضع اللحم الصافى فى الكبة ومعاها شوية ثوم حسب تقديرك لكمية لحم السمك
ومعاقة دقيق وشوية كمون وشوية بقدونس صغيرة وبعد كده تشغلى الكبة وبعدين وهى شغالة تضيفي بيضة ونصف معلقة فلفل ابيض وبعد كده حتتكون عندك عجينة
قومى بعملها فى شكل اصابع مثل الكفته او كور صغيرة ودحرجيها فى البقسماط وفى زيت بيغلى ضعى الاصابع حتى تحمر وضعيها على مناديل للمطبخ لطرد الزيت الزيادة وقدميها بالهنا مع بطاطس مقلية او ارز اصفر ومع سلطة خضراء وطحينة وسوف ترى النتيجة محدش من اسرتك حيعرف ان ده اكل الامس
المثل الثانى :
عندك عيش فينو بايت فى البيت هاتيه وقطعيه بشكل متساوى حلقات وبعدين هاتى بيض ولبن وفانليا وشوية عسل واخلطيهم كويس وبعدين سخنى طاسة على النار فيها زيدة وبعدين ضعى حلقات العيش الفينو فى اللبن والبيض وشليها بسرعة وضعيها فى الطاسة وحمريها على الجنبين ويعدين لما تتحمر براحتك اما تعملى لها شربات او قطر وتضعيها فيها وترشى عليه شوية جوز هند وشوفى جمالها او ممكن تعمليها بودنج فى الفرن بنفس خلطة البيض واللبن وتضيفي مكسرات او جوز هند وتدخليها الفرن مع اضافى سكر وبالهنا
مثال 3 : عندك كيكية بايته وخلاص محدش بياكلها
ممكن تعمليها اما ترايفل او تدخليها تنشف فى الفرن وبعدكده تزودى عليها لبن وبيض ووسكر وفانيليا وشوية مكسرات + قشطة على الوجه وبالهنا
او عملها كوكيز حلو بالشيكولاته : تحولى تقطعيها على شكل حلقات اة باى قطاعة على شكل قلب وردة او حيونات وبعدين دخليها الفرن تنشف شوية وبعد كده تجهزى شيكولاته سايلة سوار بيضاء او سوداء وتغمسى نصف الكوكيز فى الشكولاته البيضاء او السوداء باشكال فنية حسب ذوقك ودخليها الثلاجة وبالهنا (ملحوظة )
الاكلات اللى شرحتها هى تقريبا من تاليفى اما مالم اشرحه فمفروض انكم تكونوا تعلموه او حتى موجود
مثال 4:
عندك مكرونة باقية بالصلصة اعملى لها صلصة بالطماطم وضعى فيها شوية لحم مفروم وبعدين هاتى المكرونة وضعيها فى طبق ونزلى فوفها الصلصة بالحمة المفرومة وبقت طبق جديد مكرونه بلونيز
او هاتى لحمة مفرومة وضعى عليها البصل المفروم ملح وفلفل وسويها كفته على شكل كور وضعيها فى صلصة طماطم وبعدين هاتى المكرونة وضعيها على وجهها وقديمها اولادك حيحبوها
مثال 5: لو عندك كوسة مطبوخة باقية او بطاطس مطبوخة باقية صفيها من الصلصة وحطيها فى صنية فرن وضعى عليها عصاج (لحمة مفرومة وبصل وملح وفلفل وتسوى على النار حتى تنضج)وبعدين تغطيها بالباشاميل وتدخليها الفرن وتقدميها زى ما تحبى
وهكذا انا عندى الكثير من الوصفات التى تساعد فى عدم هدر الطعام بل اعادة تدويره وتقديمه بشكل جديد محبب لو تحبون اكمل وتشاركونى بتجاربكم وبمشاركة الادارة

حملة اعادة تدوير الغذاء عارفه عنه شئ ؟ تعالى ااقول لك Mood14

وصدقونى مش طالبة فلوس انا عايزة دعائكم لى وبس ولكم تحياتى

» لمعرفة نتيجة اعادة انتخابات مجلس الشعب في الجوله الثانيه والنهائية 2010
» معجزات الله تعالى في القرآن ((صـور))
» لو الويندوز سقط تعالى نزلى ويندوز فى5دقائق بالصور
» شباب مسلم ومسيحى تعالى وشارك وقول
» تعالى افلسفلك حياتك كلها لصالحك وراحة بالك !!