دمـــوع
عضو نشيط
عدد المساهمات : 241
تاريخ التسجيل : 19/12/2010
 |  موضوع: الدرس الأول من دورة تعليم Twitter مع الأمل النابت  الجمعة مارس 11, 2011 9:14 am | |
| بسم الله الرحمن الرحيم
الحمد لله رب العالمين الذى جمعنى بكم فى هذا المكان الطيب الطاهر .. النقى من الكبر والتعالى والرياء ..
ادعو الله سبحانه وتعالى ان يديم علينا نعمه الصحبة الصالحه والصدق والاخلاص فى القول والعمل ..
اعتذر لكم عن تأخيرى فى بداية دورة تعليم Twitter بسبب ظروفى الصحية وسفرى .. وربنا يعلم انى على سفر ومع ذلك كل دقيقة وكل لحظة مقدرشى ابعد عنكم فيها .. فأنا احبكم فى الله سبحانه وتعالى ..
والنهارده ان شاء الله تعالى هنبتدى أول درس فى دورتنا .. واللى هنعرف من خلاله ازاى تسجلى فى الموقع .. وان شاء الله تعالى الشرح بالصور خطوة بخطوة .. واى استفسار انا دائما تحت امركم .. ورابط كل درس جديد هيوصل للمشتركات فى الدورة عن طريق بنتى الغالية نهى .. هيه متطوعة لوجه الله تعالى فى مساعدتكم عن طريق الرسايل الخاصه .. ربنا يبارك فيها يارب ويسعدها ..
واللى عاوزة تنضم فى الدورة علشان توصلها الدروس عبر الرسايل الخاصه تضيف اسمها فى اعلان الدورة ان شاء الله تعالى ..
ونبتدى دلوقتى ان شاء الله تعالى فى الدرس الاول من دورة تويتر .. وهتكون عباره عن ازاى تسجلى فى الموقع ..
1- هتختارى الامر sign up علشان تعملى اشتراك جديد . 2- هنا بتحطى اسمك اللى هيعرفوكى من خلاله .. وده مش اليوزر نيم .. ده اسمك اللى هيعرفوا من خلاله انك صاحبة العضوية دى .. وممكن تكتبى اى اسم على مزاجك انتى .
3- هنا بقى اسم الدخول بتاعك .. اليوزر نيم بتاعك .. اسم الكنية بتاعك .. الاسم المستعار بتاعك .. كل دول بمسمى واحد .. ودايما اختارى اسم مش تكون واحده تانيه مسجلة بيه علشان مش تاخدى وقت طويل فى التسجيل .
4- هنا بقى هتكتبى الباسورد .. وياريت يكون الباسورد بعيد عن ارقام التليفونات او الارقام المميزة .. دايما اتعودى تخلى الباسورد بتاعك على شكل حروف وارقام علشان يكون صعب حد يعرفه .
5- هنا بقى بتسجلى ايميلك .. وطبعا ده مش ايميلى الحقيقى علشان مفيش بنوته تيجى تقول ممنوع وضع ايميلات على صفحة المنتدى .. ده ايميلى بس ناقص ارقام يا ضنايا ..
6- بعد كده تضغطى على great my account .  7- دلوقتى خلصنا من بياناتك الاساسية .. ننتقل بقى على الرمز التأكيدى .. وهنا بقى تكتبى الحروف اللى ظاهرة ليكى فى المربع الابيض .. خلى بالك وانتى بتكتبى .. ركزى فى الحرف كويس علشان مش ترجعى تكتبيه من الاول تانى .
8- هنا بقى خلصتى كل بياناتك تضغطى على الامر finish .. علشان تنهى التسجيل .. 9- تم التسجيل بحمد الله تعالى بنجاح .. اضغطى بعد كده على next step . 10- اضغطى على skip import علشان تبقى عارفه برده الشاشة دى بيقولك عاوزة تضيفى البنات اللى عندك على الميل هنا .. يعنى تعملى ليهم دعوة .. بس بلاش لان الدعوات دى بتعمل ازعاج لبعض البنات .. فيستحسن بلاش تعملى دعوات ليهم .. اختارى البنات اللى هما مشتركات اصلا فى الموقع .
11- كده الحمد لله رب العالمين خلصتى التسجيل وكل حاجه بقت تمام ..
ناقص بقى حاجه مهمه دلوقتى .. تعاهدينى انك مش تستخدمى الموقع ده فى التعارف المختلط بين الشباب والبنات ..
انا بشرحلك لوجه الله تعالى .. وعلشان بحبك فى الله برده خايفه عليكى وبقولك بلاش تعصى ربنا سبحانه وتعالى ..
الموقع جميل واجتماعى استفيدى منه فى علاقات اسلامية فى رضا الرحمن .. واستغلى كل دقيقة من وقتك فى رضا ربك ..
ربنا سبحانه وتعالى بيحبك .. وعلشان بيحبك وخايف عليكى قالك تبعدى عن حجات معينه وبلاش تقربى منها ..
وانتى ليكى حرية القرار ..
اعاننى الله سبحانه وتعالى على خدمتكم ومساعدتكم لوجه الله تعالى ..
وان شاء الله تعالى الدرس التانى هنتكلم فيه عن الصفحة الرئيسية للموقع وازاى تضيفى اصدقاء .. وفيديوهات على ملفك الشخصى ..
والسلام عليكم ورحمه الله وبركاته | |
|
