امبراطورالليل
عضو نشيط
عدد المساهمات : 188
تاريخ التسجيل : 02/01/2011
العمر : 41
الموقع : لا تشكي من الايام فليس لها بديل ... ولاتحزن على الدنيا مادام أخرها الرحيل ... واجعل ثقتك بالله ليس لها مثيل ... فهو القادر وهو على كل شئ وكيل
 |  موضوع: النعمه فاقت حدها  الأحد يناير 23, 2011 12:34 pm | |
| نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد غازه لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد مستوطنة
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
(بخيار)حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم | |
|
دمـــوع
عضو نشيط
عدد المساهمات : 241
تاريخ التسجيل : 19/12/2010
| | موضوع: رد: النعمه فاقت حدها الإثنين يناير 24, 2011 7:16 am | |
| | |
|
ضحى
مشرف
عدد المساهمات : 887
تاريخ التسجيل : 18/12/2010
| | موضوع: رد: النعمه فاقت حدها الأحد مارس 20, 2011 12:43 am | |
| | |
|
