امبراطورالليل
عضو نشيط
عدد المساهمات : 188
تاريخ التسجيل : 02/01/2011
العمر : 41
الموقع : لا تشكي من الايام فليس لها بديل ... ولاتحزن على الدنيا مادام أخرها الرحيل ... واجعل ثقتك بالله ليس لها مثيل ... فهو القادر وهو على كل شئ وكيل
 |  موضوع: فى عيد ميلادك  الأحد يناير 23, 2011 12:27 pm | |
| في عيد ميلادك الكام وتمنين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وتمنين
بقول لك كلمتين
الأوله
شيلتنا طين
وهل تعلم أن النيل بقي رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والإقتصاد سداح
والسرقة بقت كفاح
ومصر متاحة بس للسياح
وعرض البلد بقي مستباح
والثانية
ورتنا الويل
داالخطوة في عهدك بقت ميل
والضحك بقي نواح و عويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
والرابعة
أمن بلدنا بقي تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام....عام
والفساد.....ساد
وفي جتة بلدنا بيرعي
أفتكر لجنابك إيه و للا إيه
وكل ذكري ليك بدمعة
آآآآآآآآه
آآآآآآآآه
أنا كنت حالف ميت يمين
أكملهم لك تمنية وتمنين
بس ها كفيهم ورق منين
و كل سنة و انت واحنا طيبين | |
|
دمـــوع
عضو نشيط
عدد المساهمات : 241
تاريخ التسجيل : 19/12/2010
| | موضوع: رد: فى عيد ميلادك الإثنين يناير 24, 2011 7:29 am | |
| | |
|
ضحى
مشرف
عدد المساهمات : 887
تاريخ التسجيل : 18/12/2010
| | موضوع: رد: فى عيد ميلادك الأحد مارس 20, 2011 12:46 am | |
| | |
|
