كلمات عن الحياه

[b][i]اتعجب من علوم الدنيا وأمرها
دنيا غريبه وفيها البشر اجناس
عاشرتها وشربت من حلوها ومرها
الحلو بالقطرات
والمر كاس يملي كاس
ارتويت من ويلاتها
وشبعت من قهرها
وعشت على خوفها
حتى صار بالقلب وسواس
اتقربت لناسها وحاولت اعاشرها
اعرفكم دنيتي
( دنيتي )
قواعدها الزيف والغدر كسرها
ناسها عندهم كلمه الحق ما لها مقياس
دنيتي الأول فيها يصير اخرها
الظلم مبدأها وعيبها الوفا والأخلاص
الكره بدنيتي قلوب الناس فطرها
والحب ممنوع وحرام يا ناس
الحظ من دنيتي هج وهجرها
والفرح مأسور ومثبت عليه بترباس
الغش والنفاق اجمل مناظرها
والطيب والخير بالأقدام ينداس
من دنيتي ملت روحي ومدري كيف اصبرها
تدري شي يشيل العقل من الراس
دورت بدنيتي مفتاح يفك اسرها
حمامه سلام اتشيل من دنيتي الياس
لقيتك نور عيوني ونظرها
من اشوفك ابتسم ويرجع العقل بالراس