bank el afkar بـــنـــــــــك الافـــــــكــــــــــــــــار
مرحبا بك عزيزى الزائر او الزائرة نتشرف بتسجيلك معنا ويسعدنا وجودك ونأمل ان تفيدوتستفيد مع تحيات http://afkar.7olm.org

bank el afkar بـــنـــــــــك الافـــــــكــــــــــــــــار

مــــــــــصـــــــــــــــــــــــــــــــــــــر فـــــــــــــــــــــــــــــــــــــوق الــــجــــــــــمــــــــــــــيـــــــــــــــــــــــــــــــــــــــــــــــــــــــــــع
 
الرئيسيةمكتبة الصورس .و .جبحـثالأعضاءالتسجيلدخولشات شموع الصوتى

شاطر | 
 

 حل بطء الجهاز وتهنيجه ومعالجة أخطاءه .. والشرح بالصور

اذهب الى الأسفل 
كاتب الموضوعرسالة
ضحى
مشرف
مشرف
avatar

عدد المساهمات : 887
تاريخ التسجيل : 18/12/2010

مُساهمةموضوع: حل بطء الجهاز وتهنيجه ومعالجة أخطاءه .. والشرح بالصور    الثلاثاء فبراير 22, 2011 1:06 pm

بسم الله الرحمن الرحيم
الحمد لله المستحق لغاية التحميد .. المتوحد في كبريائه وعظمته .. الولى الحميد .. الغنى المغنى .. المبدئ المعيد .. المعطى الذي لا ينفذ عطاؤه ولا يبيد .. وصلاة وسلاماً على المبعوث رحمه للعالمين أما بعد :

مساء نقى أحمله إليكم كقطرات الندى .. حيث لا موعد .. ولا سابقة إنذار .. فنحن إلتقينا هنا مصادفة على عتبة لقاء .. حيث لا موعد ولا تخطيط .. اجتمعنا هنا بين أحضان المنتدى العريق .. فعندما نجتمع على الحب لابد أن نخلص فى الحب .. وعندما نحب .. نحب بصدق ..
النهاردة جبتلكم برنامج رائع وجميل جدا جدا جدا جدا .. ومفيد للجميع .. ولا غنى عنه لكل جهاز كمبيوتر إن شاء الله تعالى .


AVG PC Tuneup 2011 10.0.0.25


ايه فايدة واهمية البرنامج ده ؟؟
البرنامج ده جميل جدا .. وبيشمل وظايف كتيره اوى اوى .. فوق 30 وظيفة واهمية ..
بيعمل ايه البرنامج ده ؟؟
البرنامج ده صيانة لجهاز الكمبيوتر بتاعك .. بيعالج كل اخطاء الجهاز تلقائيا .. مش بس كده .. ده كمان بينظم ليكى ذاكرة الجهاز المفقودة .. ومدير للايقونات .. وفى مزايا تانية كتيرة وكتيرة .. ده كمان بينضف ليكى الجهاز من اى ملف او بيانات غير ضرورية ..
وبيحافظ على جهازك بعيد عن اى اخطاء بعد كده .
بس كل اللى يهمنى دلوقتى من البرنامج ده ..
انه هيعالج ليكى كل الملفات البايظة .. والبرامج البايظة .. وهينظم ليكى سرعة الرامات فهيخلى جهازك سريع من تانى ..
ووداعا لبطىء الجهاز .. ووداعا لتنهيجه .
لغاية كده تمام اوووى .. بس استنى .. البرنامج ده بفلوس سعره فى السنة الواحدة 23.95 دولار ..



بس انا جبيتلكم البرنامج ببلاش .. يعنى مش هيكلفك فلوس خالص .. كل اللى عليكى بعد ما تنزلى البرنامج .. هتدخلى السيريال بتاعه علشان يبقى برنامج مدفوع ..
وأنا بحمد الله تعالى رفعت ليكم البرنامج على أكتر من سيرفر .. واختارى السيرفر اللى يعجبك ..
البرنامج انا خليت اسمه ..
avg_by-om.mohammed ..
هتسألونى طيب ليه غيرت من اسمه ؟؟
انا غيرت من اسم البرنامج علشان لو منتدى تانى نقله من هنا .. يبقى معروف ان لمنتدى فتكات أسبقية نزول البرنامج .
أنا كمان شرحت ليكم ازاى تصطبوا البرنامج خطوة بخطوة .. وشرحتلكم ازاى تتعاملوا مع البرنامج خطوة بخطوة بالصور ..

نيجى بقى لروابط تحميل البرنامج : انتى اختارى يرفر التحميل اللى يعجبك ..
اضغطى على كلمة avg_By/om.mohammed

اعاننى الله على خدمتكم وعلى مساعدتكم فى كل خير وتحت امركم فى اى وقت وحين .










google_protectAndRun("ads_core.google_render_ad", google_handleError, google_render_ad);

دلوقتى هنزلكم شرح ازاى تحملى النسخة من الروابط اللى بعتهالك ..
انا نزلت لكم بحمد الله تعالى اكتر من سيرفر تحميل واختاروا اللى بتحبوا تتعاملوا معاه .
انا دلوقتى هنزلكم شرح ازاى تحملى النسخه من على سيرفر ميجا ابلود ..



premium download الكلمة دى معناها ايه ؟؟
معاناها انك لو عاوزة تحملى بسرعة اعلى ووقت قصير هتدفعى فلوس عن طريق ماستر كارت او فيزا كارت مقابل الخدمة دى .




1- انما لو عاوزة تحملى مجانى تستنى العد التنازلى 60 ثانية .. اول ما هيخلصوا هتظهرك جملة .




2- بعد ما الثوانى خلصت .. ظهرت لنا جملة Regular download " تحميل عادى " يعنى تقدرى تحملى الملف دلوقتى مجانى بدون اى فلوس بالضغط على Regular download .. ومش بياخد وقت كبير ولا حاجه ان شاء الله تعالى .


3- بعد كده هتظهر ليكى شاشة حفظ البرنامج .. اللى مظللاه دلوقتى اسم البرنامج
4- هتختارى الامر Save علشان البرنامج ينزل عندك على الجهاز .


5- من هنا بتختارى المكان اللى هتحفظى فيه الملف .
6- ده اسم الملف .
7- بعد ما حددتى المكان اللى هتحفظى فيه الملف .. اضغطى على الأمر Save يعنى حفظ ..

هيبتدى البرنامج ينزل على جهازك .. اصبرى لغاية ما ينزل ان شاء الله تعالى . واى استفسار فى التحميل انا تحت امركم ..
واللى عاوزة اشرح ليها ازاى تحملى من اى موقع تانى .. انا مستعده ان شاء الله تعالى وتحت امركم وفى خدمتكم .

نيجى بقى ازاى تصطبى البرنامج بعد ما نزلتيه على الكمبيوتر .. وازاى تفعليه :
فى البداية خليكى فاكره الكراك " السيرال بتاع البرنامج " :

000028-2PD417-QV9W39-GRMDCF-H76VBV-QKVQV7-C458CT-RAT899-HJRXH4-VHZK5F-M9JWQY



1- ده البرنامج اللى نزل عندك على جهاز الكمبيوتر .

2- هتضغطى على الامر " next " ومعناه الخطوة التالية .

3- دى وثيقة او اتفاقية .. او زى ما بيسموها ترخيص للبرنامج .. لو موافقة عليها هينزل البرنامج .. مش موافقة مش هينزل .. هتحطى علامه فى الدايرة اللى قصاد I accept " موافقة "
4- هتضغطى على الامر " next " ومعناه الخطوة التالية .

5- هنا بقى بتحددى مكان تصطيب البرنامج .. والافضل خليها زى ماهيه .. بلاش تلعبى فيها .
6- هتضغطى على الامر " next " ومعناه الخطوة التالية .

7- هتضغطى على الامر " next " ومعناه الخطوة التالية .

8- يعنى هيحطلك اختصار للبرنامج على سطح المكتب .. لو مش عاوزة شيلى العلامه من الدايرة اللى قصادها .
9- يعنى هيحطلك اختصار للبرنامج فى قائمة Start .. لو مش عاوزة شيلى العلامة من الدايرة اللى قصادها .
10- يعنى هيشغلك البرنامج اوتوماتيك لما تيجى تشغلى الكمبيوتر .. لو مش عاوزة شيلى العلامة من الدايرة اللى قصادها .
11- هتضغطى على الامر " next " ومعناه الخطوة التالية .


كده البرنامج بينزل دلوقتى .. سيبيه يحمل ..

12- تم نزول البرنامج بنجاح .. هتضغطى على الأمر finish " انهاء "

13- هنيجى بقى علشان نفعل البرنامج علشان يشتغل معاكى مدى الحياة ان شاء الله تعالى .

14- هتروحى لقائمة help " مساعدة " وهتختارى منها الأمر about .

15- هتضغطى بعد كده على الأمر click to register now " وده معناها انك هتسجلى بيانات تفعيل البرنامج الان "

16- هتلاقى مستطيل فاضى .. هتحطى جواه الكلام ده " هتاخديه كوبى وتحطيه paste "
000028-2PD417-QV9W39-GRMDCF-H76VBV-QKVQV7-C458CT-RAT899-HJRXH4-VHZK5F-M9JWQY


18- بعد كده تضغطى على الأمر ok علشان يطفى البرنامج ويشغله تانى ان شاء الله تعالى .


19- الجملة دى " this program is registed " يعنى تم تفعيل او تسجيل البرنامج بنجاح . " الف مبروك يا حبيبه قلبى "
20- بعد كده تضغطى على الامر ok .
وبكده تم بحمد الله تعالى شرح تصطيب وتفعيل البرنامج ..
اى واحدة تقابلها مشكلة فى التصطيب او التفعيل تبلغنى وانا تحت امركم يا حبايبى ..
هبتدى اشرحلكم البرنامج ان شاء الله تعالى بالصور دلوقتى
[right][size=21][right][size=21]هتفتحى البرنامج بقى من على سطح المكتب .. علشان تبتدى تصلحى الملفات الغلط اللى عندك وتشيلى الملفات الضاره من على جهازك ..



21- هتلاقى كلمة " Scan now " يعنى مسح الان ..

22- لما هتضغطى على السهم اللى جامبها هيظهرك اربع خيارات :
Scan only : دى معناها انه هيفحص الجهاز بدون ما هيعالج الملفات الغلط .
scan and Rapair : دى بقى معناها انه هيفحص الجهاز ويعالج الملفات الغلط .. وده طبعا افضل من اللى فاتت .
Scan , Rapair and sleep : دى بقى معناها انه هيفحص الجهاز ويعالج الملفات الغلط بس بعد كده هيعمل توقف مؤقت للجهاز ..
Scan , Rapair and shutdown : دى بقى معناها انه هيفحص الجهاز ويعالج الملفات الغلط بس بعد كده هيطفى الكمبيوتر اوتوماتيك .. ودى كويسة جدا .. هقولك ليه .. وامتى تستخدميها بالظبط ..
بصى يا ضنايا .. مثلا انتى عاوزة تعملى فحص على جهازك قبل ما تنامى .. بس فى نفس الوقت مش عاوزة تسهرى جامبه .. تقومى تختارى الخيار الاخير ده .. وهوه هيخلص مع نفسه ويعالج الملفات الغلط وهيطفى الجهاز اوتوماتيك .. بدون ما حد يطفيه .


23- دى معناها بقى توقف مؤقت .. زى مشغل الاغانى لما يكون شغال وتوقفيه مؤقت وترجعى تشغلى على نفس المقطع تانى .
24- دى بقى معناها وقف نهائى .. يعنى لو حبيتى تبتدى هيرجع من الصفر تانى .


25- هنا بقى لو تلاحظى فحص 3819 مسك منهم 1503 ملفات بايظة ومحتاجه تتعالك فهوه عالجها اوتوماتيك .
26- هنا بقى الزمن اللى استغرقه فى فحص 3819 ملف عندى انا استغرق دقيقة و 34 ثانية .

27- بعد ما خلص خالص عندى وفحص الجهاز كله جاب ليا احصائية عن عدد الملفات اللى فحصها .. وعدد الملفات البايظة والضاره بالجهاز ومسحها ليا .. وعدد الملفات اللى كانت بايظة وتم تعديلها وتصليحها .
28- دى بقى لو عاوزة تعرفى اسماء الملفات اللى تم تصليحها واللى تم مسحها .
29- دى بقى علشان لو عاوزة ترجعى للصفحة الرئيسية للبرنامج ..
ولو عاوزة تقفلى البرنامج خالص .. تطلعى فوق هتلاقى علامة اكس " X " باللون الاحمر .. اضغطى عليها .

اعاننى الله على خدمتكم وعلى مساعدتكم فى كل خير وتحت امركم فى اى وقت وحين .


البرنامح ده مهم جد .. انا تعبت فى البرنامج ومش مستنيه رد او تقييم له .. انا مستنيه تستفادوا حقيقى منه ..
خسارة لما يكون فى برنامج جميل جدا كده ولسه حديث جدا بقاله ايام .. وسعره 26 دولار .. انا نزلته ليكم ببلاش .. وفعلته ليكم كمان .. وفوق كل ده شرحت ليكم كل خطوة بالصور .. من اول فائده واهمية البرنامج لغايه تنزيله لغايه تصيبه لغايه ازاى تشتغلى عليه كمان ..
البرنامج مسك عندى 3800 ملف بايظ .. بيتقلوا الهارد على الفاضى .. ده غير منظم كمان لذاكرة الجهاز والرامات ..
خسارة بجد لما مش تنزلى برنامج جميل زى ده ..

البرنامج مساحته صغيرة مش كبيرة .. وخطوات العمل عليه سهله جدا جدا جدا ..
وهتحسى بالفرق قبل البرنامج وبعد استخدام البرنامج .. جهازك هيرجع سريع تانى زى الاول .. واحسن كمان ان شاء الله تعالى ..
..
[/size][/right]
[/size][/right]

_________________


[size=16]بلدنا آمانة فى إيدينا نعليها مادام عايشين


نعيش فيها سنين و سنين و إحنا مطمين

ما شربتش من نيلها؟ طب جربت تغنيلها؟؟

جربت فى عز ما تحزن تمشى فى شوارعها و تشكيلها

ما مشيتش فى ضواحيها؟ طيب ما كبرتش فيها؟؟

ولا ليك صورة ع الرمل دامت ع الشط بمعانيها؟؟

دور جواك تلقاها هى الصحبة و هى الأهل

عشرة بلدى بتبقى نسيانها ع البال مش سهل

يمكن ناسى لإنك فيها

مش واحشاك و لا غيبت عليها

بس اللى مجرب و فارقها قال فى الدنيا ما فيش بعديها

إن غبت بحنلها و أنسى الدنيا و أجيلها

و إن جيت أنسى تفكرنا بمليون ذكرى القلب شايلها

غالية بلدنا علينا و ها تفضل فى عنينا

و مدام بنحب بلدنا تبقى ها تتغير بإيدنا

إحنا اللى نعليها بإيدينا نخليها

أجمل لينا و لولادنا مهما العمر يعدى عليها

[/size]
الرجوع الى أعلى الصفحة اذهب الى الأسفل
امبراطورالليل
عضو نشيط
عضو نشيط
avatar

عدد المساهمات : 188
تاريخ التسجيل : 02/01/2011
العمر : 35
الموقع : لا تشكي من الايام فليس لها بديل ... ولاتحزن على الدنيا مادام أخرها الرحيل ... واجعل ثقتك بالله ليس لها مثيل ... فهو القادر وهو على كل شئ وكيل

مُساهمةموضوع: رد: حل بطء الجهاز وتهنيجه ومعالجة أخطاءه .. والشرح بالصور    الأربعاء مارس 02, 2011 11:57 am

الرجوع الى أعلى الصفحة اذهب الى الأسفل
 
حل بطء الجهاز وتهنيجه ومعالجة أخطاءه .. والشرح بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
bank el afkar بـــنـــــــــك الافـــــــكــــــــــــــــار :: منتديات ترفيهيه :: جوال - برامج الجوال - ثيمات - نغمات :: الكمبيوتر والانترنت......"-
انتقل الى: